ໜ້າທີ່ ແລະ ຄວາມຮັບຜິດຊອບ

• ດຳເນີນການ ຕິດຕາມ ແລະ ວິເຄາະຄວາມໝັ້ນຄົງທາງໄຊເບີເປັນປະຈຳ;
• ດຳເນີນການ ກວດສອບຄວາມປອດໄພ ເພື່ອກວດຫາການລະເມີດ ຫຼື ຈຸດອ່ອນຕ່າງໆໃນລະບົບໄອທີ;
• ດຳເນີນການທົດສອບການເຈາະລະບົບ (Penetration testing) ແລະ ປະເມີນຈຸດອ່ອນຂອງລະບົບພາຍໃນ ເປັນປະຈໍາ;
• ຈັດຕັ້ງປະຕິບັດ ແລະ ບຳລຸງຮັກສາ ບັນດາລະບຽບ ແບະ ມາດຕະການ ການຄວບຄຸມ ຄວາມໝັ້ນຄົງທາງໄຊເບີ ທົ່ວໂຄງລ່າງພື້ນຖານດ້ານໄອທີ (IT infrastructure);
• ຍົກລະດັບ ລະບົບໂຄງລ່າງພື້ນຖານດ້ານໄອທີ ໃຫ້ສອດຄ່ອງກັບຫຼັກປະຕິບັດທີ່ດີທີ່ສຸດດ້ານຄວາມໝັ້ນຄົງທາງໄຊເບີ ໃນສະພາບແວດລ້ອມຂອງທະນາຄານ;
• ຄົ້ນຄວ້າ, ທົດສອບ ແລະ ນຳໃຊ້ເຕັກໂນໂລຊີຄວາມໝັ້ນຄົງໄຊເບີໃໝ່ໆ;
• ຄົ້ນຄວ້າ, ທົບທວນ ແລະ ບຳລຸງຮັກສາ, ຄູ່ມືດ້ານຄວາມໝັ້ນຄົງທາງໄຊເບີ, ມາດຕະຖານພື້ນຖານດ້ານຄວາມໝັ້ນຄົງໄຊເບີ, ການຄຸ້ມຄອງບໍລິຫານ, ນະໂຍບາຍ ແລະ ຍຸດທະສາດຕ່າງໆ;
• ຊ່ວຍເຫຼືອພະນັກງານທ່ານອື່ນໃນການຄຸ້ມຄອງ ແລະ ຕິດຕາມກວດກາການດຳເນີນງານຂອງໂຄງການດ້ານຄວາມໝັ້ນຄົງທາງໄຊເບີ;
• ຝຶກອົບຮົມພະນັກງານກ່ຽວກັບຄວາມຮັບຮູ້ດ້ານໄພຄຸກຄາມ ແລະ ຄວາມໝັ້ນຄົງໄຊເບີ ແລະ ຫຼັກປະຕິບັດທີ່ດີທີ່ສຸດ;
• ຮ່ວມມືກັບທີມງານຄວາມໝັ້ນຄົງໄຊເບີ ທີ່ສຳນັກງານໃຫຍ່ໃນກຳປູເຈຍ ກ່ຽວກັບວິທີແກ້ໄຂທາງດ້ານເຕັກນິກ;
• ປະສານງານກັບທະນາຄານແຫ່ງ ສປປ ລາວ (BOL) ກ່ຽວກັບວຽກງານຄວາມໝັ້ນຄົງທາງໄຊເບີ;
• ກະກຽມເອກະສານ ແລະ ບົດລາຍງານ ເພື່ອສະໜັບສະໜູນການກວດສອບທັງພາຍໃນ ແລະ ພາຍນອກ ທີ່ພົວພັນກັບວຽກງານຄວາມໝັ້ນຄົງໄຊເບີ.

ຈຸດປະສົງຂອງວຽກງານ

ວຽກງານຄວາມໝັ້ນຄົງປອດໄພທາງໄຊເບີ ນີ້ມີຄວາມສຳຄັນຢ່າງຍິ່ງຕໍ່ຄວາມໝັ້ນຄົງປອດໄພທາງໄຊເບີ ຂອງທະນາຄານຄານາເດຍ ລາວຈໍາກັດ. ໃນຖານະສະມາຊິກຂອງກຸ່ມແບ່ງປັນຄວາມປອດໄພທາງໄຊເບີ ຂອງທະນາຄານແຫ່ງສປປລາວ (BOL), ຕຳແໜ່ງນີ້ມີໜ້າທີ່ຮັບຜິດຊອບໃນການຮັກສາຄວາມໝັ້ນຄົງປອດໄພທາງດ້ານໄຊເບີ, ການດຳເນີນງານດ້ານໄອທີ, ປະສານງານກັບທີມງານພາຍໃນ ແລະ ໜ່ວຍງານກຳກັບດູແລຈາກພາຍນອກ ແລະ ໃຫ້ການສະໜັບສະໜູນການປະຕິບັດຕາມມາດຕະຖານດ້ານຄວາມໝັ້ນຄົງປອດໄພທາງໄຊເບີ.

ຄຸນວຸດທິ ແລະ ປະສົບການ:

• ຈົບການສຶກສາ ປະລິນຍາໂທ ຫຼື ປະລິນຍາຕີ ສາຂາ ວິທະຍາສາດ ຄອມພິວເຕີ, ເທັກໂນໂລຊີຂໍ້ມູນຂ່າວສານ ຫຼື ຄວາມໝັ້ນຄົງທາງໄຊເບີ (Cyber security);
• ມີໃບຢັ້ງຢືນວິຊາສະເພາະດ້ານ ເຊັ່ນ: CISSP, CEH, ISO 27001 ຫຼື ທຽບເທົ່າ;
• ມີຄວາມເຂົ້າໃຈກ່ຽວກັບຄວາມໝັ້ນຄົງຂອງລະບົບເຄືອຂ່າຍເປັນຢ່າງດີ, ການທົດສອບເຈາະລະບົບ (Penetration Testing),  ການບໍລິຫານຈັດການຊ່ອງໂຫວ່ ແລະ ກອບການປະຕິບັດການ ມາດຕະຖານດ້ານຄວາມສ່ຽງ;
• ມີປະສົບການກ່ຽວກັບ Firewall, ລະບົບ ການປ້ອງກັນຂໍ້ມູນຮົ່ວໄຫຼ, ການກວດຈັບ/ປ້ອງກັນການບຸກລຸກ (DLP, IDS/IPS), ເຄື່ອງມື SIEM ແລະ ການປ້ອງກັນເຄື່ອງ Endpoint;
• ມີຄວາມຮູ້ກ່ຽວກັບແນວຄວາມຄິດດ້ານ ຄວາມປອດໄພທາງລະບົບຄອມພີວເຕີ (IT Security), ດ້ານວິທະຍາສາດຄອມພິວເຕີ ຫຼື ວິຊາການທີ່ກ່ຽວຂ້ອງ;
• ມີທັກສະ ຄວາມເປັນຜູ້ນຳ, ການບໍລິຫານຈັດການວຽກ ແລະ ເວລາ ໃນລະດັບດີ;
• ເຂົ້າໃຈດີກ່ຽວກັບ ຫຼັກການ ແລະ ວິທີປະຕິບັດທີ່ດີທີ່ສຸດ ກ່ຽວກັບດ້ານຄວາມໝັ້ນຄົງທາງໄຊເບີ;
• ມີທັກສະດ້ານ ການວິເຄາະ ແລະ ການແກ້ໄຂບັນຫາທີ່ດີ;
• ພ້ອມຮຽນຮູ້, ຮຽນຮູ້ໄວ, ມີຄວາມຍືດຫຍຸ່ນ, ມີແຮງຈູງໃຈໃນຕົນເອງ ແລະ ມີທັດສະນະແບບ “Can-do” ຫຼື ມີຄວາມພ້ອມທີ່ຈະລົງມືເຮັດ;
• ມີທັກສະການສື່ສານທີ່ດີ ເພື່ອປະສານງານກັບທີມ IT ພາຍໃນ, ທະນາຄານ ແຄນນາເດຍ ມະຫາຊົນ (ສຳນັກງານໃຫຍ່ກຳປູເຈຍ) ແລະ ໜ່ວຍງານກຳກັບດູແລຂອງທະນາຄານແຫ່ງ ສປປ ລາວ;
• ມີປະສົບການຢ່າງໜ້ອຍ 4 ປີ ໃນດ້ານ IT Security ຫຼື IT Security Specialist ໃນທຸລະກິດທະນາຄານ ຫຼື ສະຖາບັນການເງິນ.