ບັນຊີເງິນຝາກກະແສລາຍວັນ
ສ້າງຄວາມສະດວກສະບາຍ ເປັນທີ່ໄວ້ວາງໃຈສໍາລັບການບໍລິຫານເງິນສົດຂອງທ່ານໃນແຕ່ລະມື້, ບໍ່ວ່າຈະເປັນ ທຸລະກິດສ່ວນຕົວ, ບໍລິສັດ ຫຼື ໂຄງການຕ່າງໆ. ທຸກການເຄື່ອນໄຫວພາຍໃນບັນຊີຂອງທ່ານສາມາດຄວມຄຸມໄດ້ຢ່າງວ່ອງໄວທັນໃຈ ແລະ ຖືກຕ້ອງຊັດເຈນ ເຊິ່ງເຮັດໃຫ້ທ່ານຮູ້ສຶກວ່າທ່ານໄດ້ດູແລກິດຈະການຂອງທ່ານຕະຫຼອດເວລາ. ທະນາຄານແຄນນາເດຍ ລາວຈຳກັດອອກແບບບັນຊີນີ້ຂຶ້ນມາເພື່ອຕອບສະໜອງຄວາມຕ້ອງການຂອງທ່ານດ້ວຍຄວາມປອດໄພ, ວ່ອງໄວ ແລະ ໝັ້ນໃຈໃນການໃຊ້ບໍລິການທຸກຂັ້ນຕອນ.
ຜົນປະໂຫຍດທີ່ທ່ານຈະໄດ້ຮັບ
ບັນຊີເງິນຝາກກະແສລາຍວັນຂອງທະນາຄານ ແຄນນາເດຍ ລາວ ຈຳກັດ ສາມາດເປີດໄດ້ 3 ສະກຸນເງິນຄື: ລາວກີບ, ໄທບາດ ແລະ ໂດລາສະຫະລັດ. ທ່ານສາມາດສັ່ງເບີກ-ຈ່າຍເປັນແຊັກແທນເງິນສົດໄດ້ຢ່າງງ່າຍດາຍດ້ວຍການບໍລິການທີ່ວ່ອງໄວ ແລະ ປອດໄພທີ່ສຸດ. ການຝາກ ແລະ ຖອນເງິນໂດຍແຊັກ ຫຼື ເງິນສົດສາມາດໃຊ້ບໍລິການໄດ້ພາຍໃນຊົ່ວໂມງເຮັດວຽກປົກກະຕິ. ທ່ານສາມາດໃຊ້ບັນຊີປະເພດນີ້ຮ່ວມກັບບັນຊີຝາກປະຢັດເພື່ອຊຳລະແຊັກໂດຍການໂອນເງິນລະຫວ່າງບັນຊີ.
ຄຸນລັກສະນະຂອງບັນຊີ
- ທ່ານຈະໄດ້ຮັບປຶ້ມແຊັກເປັນເຄື່ອງມືໃນການຊຳລະສະສາງ ແລະ ເບີກ-ຈ່າຍ ເງິນກັບຜູ້ຮ່ວມທຸລະກິດຂອງທ່ານ;
- ທ່ານສາມາດຝາກ, ຖອນ ແລະ ໂອນເງິນໂດຍບໍ່ມີການນັບ ຫຼື ຖືເງິນສົດ.
| ສະກຸນເງິນ | ກີບ | ບາດ | ໂດລາ |
| ອັດຕາດອກເບ້ຍ (ປີ) | 0% | 0% | 0% |
ເງື່ອນໄຂການໃຊ້ບໍລິການ
- ເໝາະສົມສຳລັບລູກຄ້າສ່ວນບຸກຄົນທີ່ມີອາຍຸ 18 ປີ ຂຶ້ນໄປ;
- ເໝາະສົມສຳລັບລູກຄ້າທີ່ເປັນບໍລິສັດ.
ເອກະສານທີ່ຕ້ອງການສຳລັບລູກຄ້າສ່ວນບຸກຄົນ
- ສຳລັບພົນລະເມືອງລາວ: ບັດປະຈຳຕົວ, ປື້ມສຳມະໂນຄົວ, ຫນັງສືຜ່ານແດນ (06 ເດືອນຂຶ້ນໄປ);
- ສຳລັບພົນລະເມືອງລາວທີ່ບໍ່ຕັ້ງພູມລຳເນົາຢູ່ໃນປະເທດລາວ ທ່ານຕ້ອງມີໜັງສືຜ່ານແດນ (06 ເດືອນຂຶ້ນໄປ) ແລະ ເປີດບັນຊີຮ່ວມກັບບຸກຄົນທີ່ຕັ້ງພູມລຳເນົາຖາວອນຢູ່ລາວທີ່ມີເອກະສານຢັ້ງຢືນຖືກຕ້ອງຕາມກົດໝາຍ;
- ສຳລັບຄົນຕ່າງປະເທດ: ໜັງສືຜ່ານແດນ (06 ເດືອນຂຶ້ນໄປ), ວີຊ້າ, ໃບອະນຸຍາດເຮັດວຽກ, ໃບອະນຸຍາດພັກເຊົາ ຫລື ເອກະສານທີ່ອາໄສຢູ່ ສປປ ລາວ ທີ່ໄດ້ຮັບການຢັ້ງຢືນຈາກອຳນາດການປົກຄອງ;
- ຈຳນວນເງິນຝາກເບື້ອງຕົ້ນແມ່ນ 500.000 ກີບ ຫຼື 6.000 ບາດ ຫຼື 200 ໂດລາ.
ເອກະສານທີ່ຕ້ອງການສຳລັບລູກຄ້ານິຕິບຸກຄົນ
- ໃບທະບຽນວິສາຫະກິດ ຫລື ໃບອະນຸຍາດດຳເນີນທຸລະກິດທີ່ອອກໂດຍພາກສ່ວນທີ່ກ່ຽວຂ້ອງ (ຂຶ້ນກັບປະເພດທຸລະກິດ);
- ໃບຢັ້ງຢືນການເສຍອາກອນ;
- ນະໂຍບາຍ ແລະ ກົດລະບຽບພາຍໃນຂອງບໍລິສັດ;
- ຕຣາປະທັບຂອງບໍລິສັດ;
- ໃບມອບສິດແກ່ບຸກຄົນທີ່ມາເປີດບັນຊີ;
- ບັດປະຈຳຕົວ ຫຼື ໜັງສືຜ່ານແດນ ຫຼື ສຳມະໂນຄົວຂອງຜູ້ທີ່ມີອຳນາດລົງລາຍເຊັນ ສຳລັບຄົນລາວ;
- ໜັງສືຜ່ານແດນ, ວີຊາ ຂອງຜູ້ທີ່ມີອຳນາດລົງລາຍເຊັນ ສຳລັບຄົນຕ່າງປະເທດ;
- ຈຳນວນເງິນຝາກເບື້ອງຕົ້ນແມ່ນ 5.000.000 ກີບ ຫຼື 500 ໂດລາ ຫຼື 20.000 ບາດ.
ໝາຍເຫດ: ເອກະສານປະກອບສຳລັບລູກຄ້ານິຕິບຸກຄົນອາດແຕກຕ່າງກັນອີງຕາມປະເພດຂອງບໍລິສັດທີ່ໄດ້ລະບຸໃນລະບຽບການປະກອບເອກສານການເປິດບັນຊີ.
