ບັນຊີເງິນຝາກມີກໍານົດ
ຝາກເງິນກັບທະນາຄານ ແຄນນາເດຍ ລາວ ຈຳກັດຂອງພວກເຮົາທ່ານຈະໄດ້ຮັບຄວາມປອດໄພສູງ ແລະ ຄວາມເຊື່ອຖື ດ້ວຍຄວາມອຸ່ນໃຈພ້ອມກັບອັດຕາດອກເບ້ຍທີ່ເໝາະສົມທີ່ສຸດ. ທ່ານຈະໄດ້ຮັບດອກເບ້ຍໃນອັດຕາທີ່ສູງກວ່າ ດ້ວຍການຝາກ ເງິນກີບ, ເງິນບາດ ຫຼື ເງິນໂດລາສະຫະລັດ ແລະ ທ່ານກໍສາມາດເລືອກໄດ້ວ່າທ່ານຈະຮັບດອກເບ້ຍເປັນລາຍເດືອນ ຫຼື ຈົນກວ່າຈະຮອດກຳນົດ.
ຜົນປະໂຫຍດທີ່ທ່ານຈະໄດ້ຮັບ
ທ່ານສາມາດກຳນົດໄລຍະເວລາໃນການຝາກ ແລະ ການຮັບດອກເບ້ຍໄດ້ດ້ວຍຕົວທ່ານເອງ ວ່າຈະເປັນລາຍເດືອນ ຫຼື ຈົນກວ່າຮອດກຳນົດ. ບໍ່ວ່າຈະເປັນໄລຍະເວລາໃດ, ທ່ານໝັ້ນໃຈໄດ້ເລີຍວ່າດອກເບ້ຍທີ່ທ່ານໄດ້ຮັບຈາກການຝາກເງິນປະເພດນີ້ແມ່ນສູງແນ່ນອນ.
ຄຸນລັກສະນະຂອງບັນຊີ
- ທ່ານສາມາດຝາກໄດ້ລາວກີບ, ໄທບາດ ແລະ ໂດລາສະຫະລັດ;
- ທ່ານສາມາດເລືອກໄລຍະເວລາກຳນົດໄດ້ດັ່ງນີ້: 3 ເດືອນ, 6 ເດືອນ, 12 ເດືອນ ແລະ 24 ເດືອນ;
- ທ່ານຈະໄດ້ຮັບດອກເບ້ຍທີ່ເພີງພໍໃຈ;
- ດອກເບ້ຍຈະເຂົ້າສູ່ບັນຊີເງິນຝາກປະຢັດ ຫຼື ບັນຊີເງິນຝາກກະແສລາຍວັນຂອງທ່ານໂດຍອັດຕະໂນມັດໃນແຕ່ລະເດືອນ ຫຼື ຈົນກວ່າຈະຮອດກຳນົດ;
- ບັນຊີເງິນຝາກປະຈຳຂອງທ່ານສາມາດຕໍ່ອາຍຸໄດ້ຢ່າງສະດວກສະບາຍໂດຍອັດຕະໂນມັດ.
| ໄລຍະເວລາ | ອັດຕາດອກເບ້ຍເງິນຝາກມີກໍານົດ ຕໍ່ປີ (ຮັບດອກເບ້ຍເມື່ອຄົບກໍານົດ) | ||||
| 1 ເດືອນ | 3 ເດືອນ | 6 ເດືອນ | 12 ເດືອນ | 24 ເດືອນ | |
| ກີບ | 2,00% | 3,16% | 3,95% | 5,59% | 6,71% |
| ໂດລາ | 1,25% | 2,25% | 3,00% | 4,00% | 5,25% |
| ບາດ | 1,25% | 2,25% | 3,00% | 4,00% | 5,25% |
| ໄລຍະເວລາ | ອັດຕາດອກເບ້ຍເງິນຝາກມີກໍານົດ ຕໍ່ປີ (ຮັບດອກເບ້ຍທຸກໆເດືອນ) | ||||
| 1 ເດືອນ | 3 ເດືອນ | 6 ເດືອນ | 12 ເດືອນ | 24 ເດືອນ | |
| ກີບ | 2,00% | 3,00% | 3,50% | 5,50% | 6,00% |
| ໂດລາ | 1,25% | 2,00% | 2,75% | 3,75% | 4,75% |
| ບາດ | 1,25% | 2,00% | 2,75% | 3,75% | 4,75% |
ເງື່ອນໄຂໃນການໃຊ້ບໍລິການ
- ເໝາະສົມສຳລັບບຸກຄົນທົ່ວໄປທີ່ມີອາຍຸ 18 ປີຂຶ້ນໄປ;
- ເໝາະສົມສຳລັບບໍລິສັດທົ່ວໄປ;
ເອກະສານທີ່ຕ້ອງການສຳລັບລູກຄ້າສ່ວນບຸກຄົນ
- ສຳລັບພົນລະເມືອງລາວ: ບັດປະຈຳຕົວ, ປື້ມສຳມະໂນຄົວ, ຫນັງສືຜ່ານແດນ (06 ເດືອນຂຶ້ນໄປ);
- ສຳລັບພົນລະເມືອງລາວທີ່ບໍ່ຕັ້ງພູມລຳເນົາຢູ່ລາວທ່ານຕ້ອງມີໜັງສືຜ່ານແດນ (06 ເດືອນຂຶ້ນໄປ) ແລະ ເປີດບັນຊີຮ່ວມກັບບຸກຄົນທີ່ຕັ້ງພູມລຳເນົາຖາວອນຢູ່ລາວທີ່ມີມີເອກະສານຢັ້ງຢືນຖືກຕ້ອງຕາມກົດໝາຍ;
- ສຳລັບຄົນຕ່າງປະເທດ: ໜັງສືຜ່ານແດນ (06 ເດືອນຂຶ້ນໄປ), ວີຊ້າ, ໃບອະນຸຍາດເຮັດວຽກ, ໃບອະນຸຍາດພັກເຊົາ ຫລື ເອກະສານທີ່ອາໄສຢູ່ ສປປ ລາວ ທີ່ໄດ້ຮັບການຢັ້ງຢືນຈາກອຳນາດການປົກຄອງ;
- ຈຳນວນເງິນຝາກເບື້ອງຕົ້ນແມ່ນ 5.000.000 ກີບ ຫຼື 20.000 ບາດ ຫຼື 500 ໂດລາ.
ເອກະສານທີ່ຕ້ອງການສຳລັບລູກຄ້ານິຕິບຸກຄົນ
- ໃບທະບຽນວິສາຫະກິດ ຫລື ໃບອະນຸຍາດດຳເນີນທຸລະກິດທີ່ອອກໂດຍພາກສ່ວນທີ່ກ່ຽວຂ້ອງ (ຂຶ້ນກັບປະເພດທຸລະກິດ);
- ໃບຢັ້ງຢືນການເສຍອາກອນ;
- ນະໂຍບາຍ ແລະ ກົດລະບຽບພາຍໃນຂອງບໍລິສັດ;
- ຕຣາປະທັບຂອງບໍລິສັດ;
- ໃບມອບສິດແກ່ບຸກຄົນທີ່ມາເປີດບັນຊີ;
- ບັດປະຈຳຕົວ ຫຼື ໜັງສືຜ່ານແດນ ຫຼື ສຳມະໂນຄົວຂອງຜູ້ທີ່ມີອຳນາດລົງລາຍເຊັນ ສຳລັບຄົນລາວ;
- ໜັງສືຜ່ານແດນ, ວີຊາ ຂອງຜູ້ທີ່ມີອຳນາດລົງລາຍເຊັນ ສຳລັບຄົນຕ່າງປະເທດ;
- ຈຳນວນເງິນຝາກເບື້ອງຕົ້ນແມ່ນ 8.000.000 ກີບ ຫຼື 20.000 ບາດ ຫຼື 1.000 ໂດລາ.
ໝາຍເຫດ: ເອກະສານປະກອບສຳລັບລູກຄ້ານິຕິບຸກຄົນອາດແຕກຕ່າງກັນອີງຕາມປະເພດຂອງບໍລິສັດທີ່ໄດ້ລະບຸໃນລະບຽບການປະກອບເອກສານການເປິດບັນຊີ.
