ບັນຊີເງິນຝາກສະສົມສຳລັບເດັກນ້ອຍ

ສຳລັບທ່ານທີ່ເປັນພໍ່ເປັນແມ່ແລ້ວ, ພວກເຮົາຮູ້ດີວ່າມັນບໍ່ມີຄຳວ່າໄວເກີນໄປສຳລັບການເລີ່ມຕົ້ນສະສົມເງິນເພື່ອອະນາຄົດລູກ-ຫຼານຂອງທ່ານ. ທະນາຄານ ແຄນນາເດຍ ລາວ ຈຳກັດ ໄດ້ອອກແບບບັນຊີເງິນຝາກສະສົມສຳລັບເດັກນ້ອຍນີ້ຂຶ້ນມາ ເພື່ອຊ່ວຍທຸກທ່ານໃນການເກັບທ້ອນທຶນຮອນຈຳນວນໃດໜຶ່ງສຳລັບອະນາຄົດລູກ-ຫຼານຂອງທ່ານໂດຍສະເພາະ. ເງິນທີ່ຖືກສະສົມໃນບັນຊີນີ້, ຈະຖືກເກັບຮັກສາໄວ້ຢ່າງປອດໄພຈົນກວ່າລູກ-ຫຼານຂອງທ່ານມີອາຍຸຄົບ 18 ປີ.

ຜົນປະໂຫຍດທີ່ທ່ານຈະໄດ້ຮັບ

ສະສົມເງິນໃຫ້ແກ່ລູກ-ຫຼານຂອງທ່ານໃນມື້ນີ້, ເພື່ອອະນາຄົດທີ່ປະສົບຜົນສຳເລັດຂອງພວກເຂົາເຈົ້າໃນມື້ໜ້າ. ເມື່ອພວກເຂົາເຈົ້າເຕີບໃຫຍ່ຂຶ້ນມາ, ພວກເຂົາເຈົ້າກໍຈະສາມາດນຳໃຊ້ເງິນສະສົມຈຳນວນນີ້ຕໍ່ຍອດການສຶກສາໃຫ້ສູງຂຶ້ນ ຫຼື ເອົາໄປດຳເນີນທຸລະກິດໃດໜຶ່ງກໍໄດ້.

ຄຸນລັກສະນະຂອງບັນຊີ

• ທ່ານສາມາດຝາກເປັນສະກຸນເງິນກີບ ຫຼື ເງິນໂດລາສະຫະລັດ;
• ທ່ານຈະໄດ້ຮັບດອກເບ້ຍທີ່ສູງກວ່າ;
• ຄິດໄລ່ດອກເບ້ຍເປັນລາຍວັນ ແລະ ຈະໄດ້ຮັບເຂົ້າບັນຊີໃນວັນທີ 25 ເດືອນ 12 ຂອງທຸກໆປີ;
• ທ່ານຈະໄດ້ຮັບປຶ້ມບັນຊີເງິນຝາກຟຣີ ເພື່ອບັນທຶກທຸກການເຄື່ຶອນໄຫວຂອງບັນຊີ;
• ເງິນຝາກຂອງທ່ານຈະຖືກສະສົມໄວ້ຈົນກວ່າລູກ-ຫຼານຂອງທ່ານມີອາຍຸຄົບ 18 ປີ.

ເງື່ອນໄຂຂອງການນຳໃຊ້ບໍລິການ

• ເໝາະສົມສຳລັບເດັກນ້ອຍທີ່ມີອາຍຸ 13 ປີລົງມາ;
• ທ່ານທີ່ເປັນ ພໍ່ແມ່, ປູ່ຍ່າ, ພໍ່ຕູ້ແມ່ຕູ້, ລຸງປ້າ, ນ້າອາກໍ່ສາມາດຝາກສະສົມທຶນຮອນແກ່ ລູກ-ຫຼານ ຂອງທ່ານໄດ້;
• ເໝາະສົມສະລັບຜູ້ປົກຄອງທີ່ເປັນພົນລະເມືອງລາວ ຫຼື ຄົນຕ່າງປະເທດ.

ເອກະສານທີ່ຕ້ອງການ

1. ສຳລັບເດັກນ້ອຍ: ໃບແຈ້ງເກີດ (ໃນກໍລະນີເດັກນ້ອຍບໍ່ທັນເຂົ້າສຳມະໂນຄົວ);
2. ສຳລັບທ່ານທີ່ເປັນ ພໍ່ແມ່ ຫຼື ຜູ້ປົກຄອງ:

• ສຳລັບພົນລະເມືອງລາວ: ບັດປະຈຳຕົວ, ປື້ມສຳມະໂນຄົວ, ຫນັງສືຜ່ານແດນ (06 ເດືອນຂຶ້ນໄປ);
• ສຳລັບພົນລະເມືອງລາວທີ່ບໍ່ຕັ້ງພູມລຳເນົາຢູ່ລາວທ່ານຕ້ອງມີໜັງສືຜ່ານແດນ (06 ເດືອນຂຶ້ນໄປ) ແລະ ເປີດບັນຊີຮ່ວມກັບບຸກຄົນທີ່ຕັ້ງພູມລຳເນົາຖາວອນຢູ່ລາວທີ່ມີມີເອກະສານຢັ້ງຢືນຖືກຕ້ອງຕາມກົດໝາຍ;
• ສຳລັບຄົນຕ່າງປະເທດ: ໜັງສືຜ່ານແດນ (06 ເດືອນຂຶ້ນໄປ), ວີຊ້າ, ໃບອະນຸຍາດເຮັດວຽກ, ໃບອະນຸຍາດພັກເຊົາ ຫລື ເອກະສານທີ່ອາໄສຢູ່ ສປປ ລາວ ທີ່ໄດ້ຮັບການຢັ້ງຢືນຈາກອຳນາດການປົກຄອງ;
• ຈຳນວນເງິນຝາກເບື້ອງຕົ້ນ ແມ່ນ 100.000 ກີບ ຫຼື 10 ໂດລາ.